Haustnytt 2025

Nye tema:

Forureining:

• Avløp/Tettbebyggelse

Kulturminne:

• Bergverk

Kyst og fiskeri:

• Marine grunnkart/MG Modellerte marine naturtypar
• Marine grunnkart/Ruhet Sunnhordaland

Landbruk:

• 6 m ugjødsla sone mot vassdrag (innmarksbeite)
  • eitt tema per. kommune i Vestland
• Skogbruk/Skogdekkeendring med felter større enn 10 dekar 2001 - 2024
• Skogbruk/Skogdekkeendring per år 2001 - 2024

Landskap:

• Inngrepsfrie område (INON)/Inngrepsfrie område - status 2023
• Inngrepsfrie område (INON)/INON endring 2018 -2023
• Inngrepsfrie område (INON)/INON endring 1988 - 2023

Natur:

• Fiskeforvaltning/Storaure funksjonsområde
• Naturtypar/Naturskog v1/Støttelag hogst satelitt 1985 - 2024
• Naturtypar/Naturskog v1/Støttelag - skogmaske

Plan:

• Arealplanar på høyring/Kommune - og komdelpl på høyring (vel kommune i lista)/Eidfjord kommuneplan høyring 2025 - 2035
• Arealplanar på høyring/Kommune- og komdepl på høyring nasjonalt/Kommuneplanforslag - alt
• Arealplanar på høyring/Kommune - og komdelpl på høyring (vel kommune i lista)/Stord kommuneplan 1x høyring 2025 - 2035

Meir informasjon om nye tema:

Tettbebyggelse

Kartet viser kva tettbygd område som høyrer til dei ulike renseanlegga og blir brukt til å finne ut kven som er forureiningsmyndigheit.

Datasettet er laga av Statisisk sentralbyrå (SSB) på oppdrag frå Miljødirektoratet. Det er ei anna avgrensing enn SSB sitt tema tettstader. Datasettet koplar saman tettbygde områder som har felles avløpsnett.

Les meir om tettbebyggelse på Geonorge.

Bergverk

Kartet gjev eit oversyn over kulturmiljø etter større bergverk som har vore i drift mellom 1640åra fram til kring 1980 i dagens Vestland. Denne typen kulturmiljø finn vi i kommunane Bømlo, Kvinnherad, vik, Kvam, Askvoll, Osterøy, Bergen Fjaler., stord, Kinn og Årdal.

Lenke til rapporten 'Bergverk i Vestland' hjå Vestland fylkeskommune.

Modellerte marine naturtypar

Datasettet viser ei klassifisering av kystnære havbotnareal i Natur i Norge (NiN) sitt naturtypesystem, Marine Bunnsystem versjon 3.0 for Sunnhordaland. Sjå bilete i toppen av artikkelen.

Les meir om naturtyper etter NiN Marine Bunnsystemer på Geonorge.

MG Modellerte marine naturtyper i Fylkesatlas.

Ruhet Sunnhordaland

Datasettet er ein del av Norges geologiske undersøkelse (NGU) sine marine grunnkart, men er ikkje tilgjengeleg hjå dei. Vestland fylkeskommune har publisert dette i Fylkesatlas.

Rasterdatasettet er eit mål på den relative terrengvariasjonen i eit område og blir rekna ut frå djupneverdiane i eitt gitt nabolag (her 3x3 celler i eit djupnedatasett med oppløysing 50x50 m).

6m ugjødsla sone mot vassdrag (innmarksbeite)

Dette kartet er utarbeida av Statsforvaltaren i Vestland til hjelp i arbeidet kommunane har med å vurdere spreieareal i forhold til det nye reglementet for gjødselspreiing.

Kartlaget viser ei buffersone på 6 meter frå vassdrag, definert som elv, bekk, innsjø, kanal og grøfti datasettet FKB-vatn. Veggrøfter og myr er ikkje inkludert og datasettet kan innehalde feil.

Kartet er relevant for innmarksbeite, der regelverket krev minst 6 meter avstand til vassdrag med årssikker vassføring ved gjødselspreiing. Det viser ikkje kva areal som er godkjent som spreieareal, eller kor gjødsling skjer i praksis, men kan nyttast som grunnlag i vurderingar.

Les meir om gjødselspreiing på nettstaden til Statforvaltaren i Vestland.

Skogdekkeendring med felter større enn 10 dekar 2001 -2024 og skogdekkeendring per år 2001 - 2024

Desse to kartlaga er laga av Statsforvaltaren i Vestland og viser endringane i skogdekke basert på satelittdata frå perioden 2001 til 2024 (kjelde; Global Forest Watch).

Eit kartlag viser alle stadar der det er registrert forskjell i skogdekke mellom to år. Det andre viser samanhengande område større enn ti dekar og har tettare kopling til hogstflater. 

Endringane omfattar både hogst og naturlege prosessar som stormfelling og snøbrekk. Informasjonen er rettleiande og kan innehalde feil eller manglar. Bruk bør skje i kombinasjon med lokal kunnskap og feltbefaring.

Inngrepsfrie områder - status 2023 og INON endring

Det er lagt til tre nye kartlag for 'Inngrepsfrie område (INON)'.

'Inngrepsfrie område - status 2023' viser område som ikkje er direkte råka av større naturinngrep per januar 2023. 

'INON endring 2018 - 2023' og 'INON endring 1988 - 2023' viser kva område som har fått endra status som følgje av nye inngrep eller restureringstiltak i dei nemnde periodane.

Les meir om 'Inngrepsfrie naturområder i Norge' på nettstaden til Miljødirektoratet.

Storaure funksjonsområde

Storaure er bestandar av aure der ein stor del av bestanden et fisk og veks seg store. Dei ulike bestandane av storaure i Noreg representerar unike økologiske og kulturelle verdiar. Storaurebestandane er vurdert å ha nasjonal verneverdi, og det må takast særlege omsyn til storauren.

Kommunale planar som sikrar leveområda til storauren er viktig for å bevare stammane. Statsforvaltaren har regionalt ansvar for anadrom fisk som laks og sjøaure og sårbare bestandar av laksefisk. Storauren fell difor inn under Statsforvaltarens ansvarsområde.

Les meir om storauren på nettstaden til Statsforvaltaren i Vestland.

Naturskog - Støttelag hogst og skogmaske

'Støttelag hogst satelitt 1985 - 2024' og Støttelag - skogmaske' er støttelag for områda som kan vera naturskog.

Støttelaget for hogst er basert på Landsat satelittbilete. Endringar i skoglandskapet er identifisert ved bruk av LandTrendr, ein algoritme utvikla for Landsat-basert deteksjon av både kortvarige og permanente endringar (Kennedy er el.,2010).

Skogmaske er dekningskartet for naturskog.

Alle datasetta for naturskog er også mogleg å sjå i naturbase hjå Miljødirektoratet.

Les meir om naturskog på nettstaden til Miljødirektoratet.

Kommuneplan på høyring i Eidfjord, Osterøy og på Stord

Eidfjord, Osterøy og Stord har lagt ut sine kommuneplanar på høyring.