Bakgrunnskart
Du kan velje mellom 8 ulike bakgrunnskart i Fylkesatlas.
Knappen for bakgrunnskart ligg nede til venstre i kartet.
Standard kartet er eit basiskart som er laga av firmaet Geodata AS som vi har ein avtale med. Dette er meir stabilt enn Kartverket sine bakgrunnskart.
Enkelt grunnkart er eit nedtona kartgrunnlag frå Kartverket som eignar seg godt til å legge andre temadata oppå.
Norge i bilder er eit bakgrunnskart med flyfoto og satelittbilete. Det er mogleg og bytte imellom ulike år (sjå eige tips).
Enkelt kommunekart viser vatn og land og kommunegrenser. Det kan vera ein grei bakgrunn for nokre tema, mellom anna historisk økonomisk kartverk (gamalt svart/kvitt kart under 'Kulturminne' kategorien).
Gråtonekart frå Kartverket er eit topografisk kart frå Kartverket.
Topografisk kart frå Kartverket viser tydleg infrastruktur og høgdekoter.
Sjøkartraster viser djupnekoter og korleis ein skal navigere til sjøs.
Sjø og land bakgrunnskartet kombinerer topografisk kart og sjøkart med djupnekoter.
